ಮೊಬೈಲ್
ಅಕ್ಕ ಪಕ್ಕ ನೋಡೋದಿಲ್ಲ
ಮೊಬೈಲಿನಲ್ಲಿ ಚಿತ್ತವೆಲ್ಲ.
ಯಾರ ಅರಿವು ಯಾರಿಗೂ ಇಲ್ಲ
ಮೊಬೈಲ್ ಇವರ ಪ್ರಪಂಚವೆಲ್ಲ!!
ಮೊಬೈಲ್ನಲ್ಲೆ ಆಟ-ಪಾಠ
ಬೇಕಾಗಿಲ್ಲ ಗುರುವಿನ ಪಾಠ.
ಯಾರ ಮಾತು ಕೇಳುವುದಿಲ್ಲ
ಮಾತು ಕೂಡ ಆಡುವುದಿಲ್ಲ!!
ತಂದೆ-ತಾಯಿ ದುಡಿಯುವರೆಲ್ಲ
ಖರ್ಚಿಗೆ ಹಣವ ಕೊಡುವರೆಲ್ಲ.
ಶೋಕಿ ಮಾಡುತ ತಿರುಗುವರೆಲ್ಲ
ಮೊಬೈಲ್ನಲ್ಲಿ ಮುಳುಗಿಹರೆಲ್ಲ!!
ಯಾವ ಕೆಲಸ ಮಾಡುವದಿಲ್ಲ
ಶಾಲೆಗೆ ಕೂಡ ಹೋಗುವುದಿಲ್ಲ
ದಿನವು ಮೊಬೈಲ್ ನೋಡುವರೆಲ್ಲ
ಅಪ್ಪ-ಅಮ್ಮನ ನೋಡುವುದಿಲ್ಲ!!
ಓದು-ಬರಹದ ಲಕ್ಷವೇ ಇಲ್ಲ
ಬದುಕಿನ ಬಗ್ಗೆ ಚಿಂತೆಯೇ ಇಲ್ಲ
ಮೊಬೈಲ್ ಮೋಹಕೆ ಸಿಲುಕಿಹರೆಲ್ಲ
ಭವಿಷ್ಯದ ಬದುಕು ಕರಾಳವೆಲ್ಲ!!
- ಹನುಮಂತಪ್ಪ ಎನ್. ಉಪ್ಪಾರ, ಮಂಗಳೂರು [9902994850]